प्रा.वैद्यनाथन कमिटीच्या शिफारसीनुसार एकसमान जमाखर्च कसा करावा या संबंधी महाराष्ट्रातील 17 जिल्हयांमध्ये एकुण 72 ठिकाणी प्रशिक्षण कार्यक्रम घेवुन बँक अधिकारी, संस्था सचिव, लेखा परिक्षक यांना प्रशिक्षण दिलेले आहे. श्री.घोणसे पाटील यांनी दि.15/06/2011 पासुन ते 30/06/2014 पर्यंत धुळे व नंदुरबार जिल्हा बँकेत मुख्य कार्यकारी अधिकारी म्हणुन कामकाज केलेले आहे. धुळे व नंदुरबार जिल्हा बँकेच्या 3 वर्षाचे कालावधीमध्ये बँकेस बँकींग परवाना प्राप्त करून दिलेला आहे. तीन वर्षाचे कमी कालावधीमध्ये भाग भांडवलात लक्षणीय वाढ करून, तसेच थकीत व एन.पी.ए. झालेली कर्ज वसुली करून साठलेला तोटा कमी करण्यात यशस्वी झाले. तसेच राज्य सरकारकडे पाठपुरावा करून 49 कोटी रूपयाचे भागभांडवल प्राप्त करून घेतल्याने साल सन 2013 च्या आर्थिक स्थितीचा विचार करून भारतीय रिझव्र्ह बँकेकडुन तब्बल 60 वर्षानंतर बँकेस बँकीेग परवाना दिला गेला आहे. धुळे व नंदुरबार जिल्हा बँकेतील 2 वर्षाची कामगिरीची नोंद घेवुन Banking Frontier कडुन साल सन 2013 चा राष्ट्रीय स्तरावरील Best Youth CEO of DCCB चा पुरस्कार देवुन गौरविण्यात आलेले आहे. तसेच नवी दिल्ली स्थित FACE या सामाजिक व आर्थीक क्षेत्रात काम करणा­या संस्थेमार्फत Excellence in Co-operative Banking 2013 हा पुरस्कार देवुन श्री.घोणसे पाटील यांचा सन्मान केलेला आहे. धुळे व पुणे जिल्हा कार्यक्षेत्र असलेल्या भगवान भाऊ गवळी मित्रपरिवाराकडुन ""उत्तुंग शिखरासमान कर्तुत्व'' आणि धुळे नंदुरबार जिल्हा बँक आजी माजी कर्मचा­यांकडुन "सन्मानपत्र व बोधचिन्ह' देवुन श्री.घोणसे पाटील यांचा सन्मान केलेला आहे. श्री.घोणसे पाटील यांचे सहकारी बॅकींग, जिल्हा देखरेख संघ, अनिष्ट तफावत तसेच प्रा.वैद्यनाथन कमेटी इत्यादी विषयावरील अभ्यासपुर्ण लेख महाराष्ट्र राज्य सहकारी संघ व्दारे प्रकाशित सहकार महाराष्ट्र या मासिकामध्ये प्रकाशित झालेले आहे. श्री.घोणसे पाटील हे उस्मानाबाद जिल्हा बँकेच्या मुख्य कार्यकारी अधिकारी/कार्यकारी संचालक पदी साल सन 2016 ते 2019 व नंतर 2021 पासुन आजतागायत कार्यरत आहेत. सद्यस्थितीमध्ये उस्मानाबाद जिल्हा बँकेच्या सर्व कर्मचा­यांचेकडुन थकीत कर्जदार सभासद व संस्था यांचे थकीत कर्ज वसुली साठी थकीत कर्ज वसुली अभियान अंतर्गत बैठा सत्यागृह करण्यात येत असुन थकीत कर्ज वसुलीसाठी चांगला प्रतिसाद मिळत आहे.
उस्मानाबाद जिल्हा बँक नजिकच्या कालावधीमध्ये श्री.विजय घोणसे पाटील यांचे प्रयत्नामुळे आर्थिक अडचणीतुन बाहेर येवुन पुन:श्च जिल्ह्रातील खातेदारांचे सेवेत कार्यरत होईल या तिळमात्र शंका नाही. उस्मानाबाद जिल्ह्रातील तेरणा शेतकरी सहकारी साखर कारखान्याचे अवसायक म्हणुन कार्यरत असुन सदरील कारखाना दिर्घमुदतीचे कालावधीमध्ये सक्षम अशा संस्थेस चालवावयास देण्यासंबंधाने प्रयत्नशील आहेत. तसेच तुळजाभवानी शेतकरी सहकारी साखर कारखाना मागील हंगामात सक्षम अशा कारखान्यास चालवावयास दिलेला असून यातुन मिळणा­या भाड¬ातुन बँकेस आर्थिक प्राप्ती होणार आहे. एकंदर श्री.घोणसे पाटील यांचे बँकींग मधील प्रदिर्ध अनुभव उस्मानाबाद जिल्हा बँकेच्या उन्नतीसाठी, भरभराटीसाठी उपयोगी पडत आहे. नवनिर्वाचित संचालक मंडळाचे सहकार्याने व घोणसे पाटील यांचे प्रयत्नाने उस्मानाबाद जिल्हा बँक नजिकच्या कालावधीमध्ये आर्थीक दृष्ट¬ा सक्षम बँक म्हणुन नावारूपास येणार यात कोणतीच शंका नाही…